Gunnleifur Gunnleifsson, markvörður Breiðabliks og fyrrum markvörður Íslands fagnar 25 ára edrúafmæli sínu í dag.

Gunnleifur lagði flöskuna á hilluna 18 ára gamall, það hefur orðið til þess að hann hefur átt magnaðan feril sem knattspyrnumaður.

,,Tímamótadagur. Edrú í 25 ár! Ég er svo þakklátur fyrir að hafa tekið þá ákvörðun að hætta að drekka, sem er besta ákvörðun sem ég hef tekið,“ skrifar Gunnleifur á Twitter.

Gunnleifur er alveg viss um að lífið væri ekki eins gott, ef hann hefði bakkus við hönd.

,,Ég veit að ég væri ekki á þeim stað sem ég er í dag ef ég hefði ekki hætt. Auðmjúkur og þakklátur á mínum risa degi.“

Árið 2013 ræddi Gunnleifur edrúmennskuna við Vísir.is „Ég var ekkert í slæmum félagsskap og flestir af strákunum sem ég ólst upp með eru enn góðir vinir mínir í dag,“ sagði Gulli

„Við skemmtum okkur mikið og prófuðum mikið. Lifðum lífinu, ef svo má að orði komast, og vorum kærulausir. Ég fór bara alltof langt niður og réði ekki við þetta.“ Hann bendir á að alkóhólismi hafi verið fjölskylduvandamál. Ég var kominn mjög langt niður og ef ég hefði ekki hætt þá hefði farið mjög illa.“

Tímamótadagur. Edrú í 25 ár! Ég er svo þakklátur fyrir að hafa tekið þá ákvörðun að hætta að drekka, sem er besta ákvörðun sem ég hef tekið. Ég veit að ég væri ekki á þeim stað sem ég er í dag ef ég hefði ekki hætt. Auðmjúkur og þakklátur á mínum risa degi ?

— gulligull1 (@GGunnleifsson) May 8, 2019