Samvæmt fréttum í Frakklandi var Grétar Rafn Steinsson mættur á leik Lyon og Lille í Frakklandi í gær. Grétar er yfirnjósnar Everton í Evrópu. Gylfi Þór Sigurðsson er stjarna Everton.

Með Grétari í för var Marcel Brands, yfirmaður knattspyrnumála hjá Everton. Sagt er að Grétar og Brands hafi verið að skoða tvo leikmenn.

Everton hefur áhuga á Lucas Tousart 22 ára miðjumanni Lyon og Memphid Depay sóknarmanni félagsins.

Depay lék áður með Manchester United, frábær knattspyrnumaður en glaumgosi utan vallar. Hann vill að fólk taki eftir bílunum og fötunum sem hann klæðist.

Eitt sinn var Depay í holu hjá United, hann átti að spila með varaliðinu. Wayne Rooney, þá fyrirliði liðsins ráðlagði honum að mæta eðilega til leiks.

,,Hann gaf mark gegn Stoke á útivelli,“ sagði Rooney og Louis van Gaal, þá þjálfari liðsins skipaði honum að spila með varaliðinu.

,,Ég sagði við hann að þetta yrði erfitt en bað hann að koma ekki í öllu þessu dóti sem vekur athygli.“

,,Varaliðið lék í Altrincham, hann mætti á völlinn á Rolls Royce, í rauðum leðurjakka og með kúrekahatt. Ég hugsaði með mér, hvað er hann að spá?.“