Sergio Aguero, leikmaður Manchester City, er ekki aðeins að einbeita sér að fótbolta þessa dagana.

Aguero er einn besti leikmaður ensku deildarinnar og hefur verið í þónokkur ár síðan hann kom frá Atletico Madrid.

Hann ákvað að reyna fyrir sér í tónlistarmyndbandi á dögunum en um er að ræða myndband við lagið „22“.

Það er eftir söngkonuna Tini Stoessel en hún kemur frá Argentínu líkt og Aguero.

Talið er að þau tvö séu í einhvers konar sambandi og náði hún að sannfæra Aguero um að leika í myndbandinu.

Það er þó talað um það að sóknarmaðurinn hafi litið ansi vandræðalega út og kannski er leiklist ekki hans svið.

Myndir af honum í myndbandinu má sjá hér.