Jurgen Klopp, stjóri Liverpool, ræddi við blaðamenn í kvöld eftir 3-0 stórtap gegn Barcelona.
Liverpool tapaði 3-0 í Barcelona í undanúrslitum Meistaradeildarinnar en fyrri leikurinn fór fram á Spáni.
Klopp var stoltur af sínum leikmönnum í kvöld þrátt fyrir 3-0 tap þar sem Lionel Messi skoraði tvennu.
,,Við áttum ekki skilið það sem við fengum. Sem stjóri þá verð ég að dæma þetta út frá spilamennskunni,“ sagði Klopp.
,,Ég sagði strákunum að þetta hafi verið okkar besti leikur á útivelli í Meistaradeildinni. Við fengum mjög góð færi og þeir voru í vandræðum.“
,,Þú getur tapað á útivelli, það gerist en að skora ekki mark, það er vandamálið okkar.“
,,Ég sagði strákunum að ég væri stoltur af þeim. Hvað sem gerist, ég gæti ekki verið stoltari af þeim.“
,,Þessa stundina þá er Messi óstöðvandi. Þvílíkt skot. Hann er leikmaður í heimsklassa.“
,,Við eigum möguleika því þetta er fótbolti. Þetta verður erfitt. Þeir geta notað skyndisóknir sem hjálpar okkur ekki. Við reynum en þetta gerir okkur ekki auðveldara fyrir.“
