Mohammed bin Salman, krónprins frá Saudí Arabíu hefur gefist upp á því að kaupa Manchester United. Þetta segir Talksport.
Mohamed bin Salman er mjög vel efnaður en talið er að Glazer fjölskyldan myndi skoða að selja United fyrir 4 milljarða punda.
Það ætti að vera lítið mál fyrir Mohamed bin Salman en eigur hans eru metnar á 850 milljarða punda.
Bin Salman hefur fundað með Pini Zahavi, umboðsmanni sem hjálpaði Roman Abramovich að kaupa Chelsea.
Sagt er að Bin Salman vilji eignast fótboltafélag í fremstu röð og hefur hann helst horft til United. Ástæðan er sú að hann vill keppa við eigendur Manchester City frá Abu Dhabi.
Ástæðan sem Talksport talar um er að Bin Salman hafi gefist upp því Glazer vilji áfram stjórna hlutunum, eitthvað sem hann sætti sig ekki við, ef hann væri eigandi.
