Manchester United fékk á sig fjögur mörk í dag er liðið mætti Everton í ensku úrvalsdeildinni.

United hefur ekki verið að spila vel undanfarið og var niðurlægt af heimamönnum á Goodison Park.

Tapið gerir ekki góða hluti fyrir þá rauðklæddu sem stefna að því að komast í Meistaradeildina.

Tímabil United hefur alls ekki verið upp á marga fiska og hefur liðið fengið á sig 48 mörk í úrvalsdeildinni.

Það er það mesta sem félagið hefur fengið á sig í sögu deildarinnar eða frá því hún var stofnuð árið 1992.

Það þarf að leita aftur til ársins 1979 er United fékk síðast á sig fleiri mörk í efstu deild en þá var skorað 63 sinnum framhjá liðinu.