Fylkir hefur tryggt sér sóknarmanninn Tristan Koskor en þetta staðfesti félagið í dag.
Um er að ræða 23 ára gamlan framherja sem kemur til félagsins frá Tammeka í Eistlandi.
Tammeka spilar í úrvalsdeildinniu í Eistlandi og skoraði Koskor 30 mörk í 56 deildarleikjum frá 2017 til 2019.
Hann er einnig orðinn eistnenskur landsliðsmaður og spilaði á meðal annars æfingaleik gegn Íslandi á árinu.
Tilkynning Fylkis:
Sóknarmaðurinn Tristan Koskor frá Eistlandi hefur gert samning við Fylki út tímabilið 2019.
Tristan er 23 ára gamall, hefur spilað með yngri landsliðum Eistlands og spilaði sýna fyrstu tvo A-landsleiki í janúar á þessu ári, þar af var annar þeirra í 0-0 jafntefli gegn Íslandi.
Á síðasta ári spilaði hann 36 leiki í efstu deild í heimalandi sínu og skoraði 21 mark.
