Claudio Ranieri var rekinn frá liði Fulham nýlega eftir að hafa aðeins tekið við liðinu á síðasta ári.

Ranieri var fenginn til Fulham eftir brottrekstur Slavisa Jokanovic og átti að breyta slæmu gengi liðsins.

Það gekk hins vegar mjög illa og var Ítalinn fljótt látinn fara. Hann tók svo við liði Roma á nýjan leik í kjölfarið.

Samkvæmt enskum miðlum voru leikmenn Fulham alveg komnir með nóg af æfingum Ranieri.

Hann er ansi sérstakur á æfingasvæðinu og lét sína leikmenn spila handbolta í klukkutíma degi fyrir leik.

Ranieri var ekki mikið fyrir það að æfa taktík eða föst leikatriði og reyndi að koma leikmönnunum í betra form.

Nokkrir leikmenn ræddu við stjórn félagsins og sögðu að Ranieri væri einfaldlega ekki rétti maðurinn í starfið.

Gengi Fulham var ekki gott undir Ranieri en liðið vann aðeins þrjá leiki af 17 undir hans stjórn.