Zinedine Zidane er einn af þeim sem er orðaður við stjórastöðuna hjá Chelsea, líklegt er að Maurizio Sarri endist ekki lengi í starfi.
Sarri er á sínu fyrsta tímabili en er að ganga í gegnum erfiða tíma, hann virðist ekki ná til leikmanna félagsins.
Roman Abramovich, eigandi Chelsea hikar ekki við að reka þjálfara sína, ef þeir eru ekki að ná árangri. Hann hefur litla þolinmæði.
Framtíð Sarri gæti ráðist í kvöld ef liðið dettur úr leik í enska bikarnum gegn Manchester United, á heimavelli.
Zidane er orðaður við starfið en ensk blöð segja hann gera miklar kröfur, ef hann á að taka starfið að sér.
Hann er sagður setja það í forgang að Eden Hazard fari ekki en sóknarmaðurinn vill fara til Real Madrid, þar starfaði Zidane áður. Þá er Zidane sagður vilja fá 200 milljónir punda til að styrkja liðið og breyta leikmannahópnum.