Giuseppe Rossi, fyrrum leikmaður Villarreal og Fiorentina, æfir þessa stundina með Manchester United.
Rossi er 32 ára gamall sóknarmaður en hann var hjá United frá 2004 til 2007 áður en hann hélt til Spánar.
Meiðsli hafa sett stórt strik í reikning Rossi sem hefur spilað fáa leiki síðustu ár.
Hann var síðast á mála hjá Genoa á Ítalíu en var látinn fara frá félaginu eftir síðustu leiktíð.
Rossi fékk grænt ljós á að æfa með United eftir áramót en er þó ennþá hjá félaginu sem vekur athygli.
Rossi sagðist í fyrstu ætla að mæta á æfingar í eina eða tvær vikur á meðan hann leitar sér að liði.
Það gengur þó mjög erfiðlega hjá Rossi að finna sér félag en lið eru hrædd við hans meiðslasögu.
Rossi hefur leikið víða á ferlinum og á einnig að baki 30 landsleiki fyrir Ítalíu.
