Barry Fry hefur sagt af sér sem stjórnarformaður Peterborough á Englandi en hann sinnti því starfi í 16 ár.
Fry var sektaður um 35 þúsund pund af enska knattspyrnusambandinu fyrir ólögleg veðmál.
Þessi 73 ára gamli Englendingur ákvað að veðja á það á síðustu leiktíð að Jack Marriott, framherji Peterborough, myndi enda sem markahæsti leikmaður League 1.
Það veðmál tókst hjá Fry og vann hann sér inn 25 þúsund pund. Hann setti aðeins 500 pund undir.
Ekki nóg með það heldur ákvað Fry að veðja á að Peterborough myndi komast upp í Championship-deildina en það gekk ekki upp.
Hann hafði starfað sem stjórnarformaður félagsins frá árinu 1996 en mun nú leita sér að nýju starfi.