Mauro Icardi, leikmaður Inter Milan, var sviptur fyrirliðabandinu hjá félaginu á dögunum.

Icardi hefur undanfarin ár borið bandið hjá Inter en nú er það í eigu markmannsins Samir Handanovic.

Icardi hefur ekki viljað skrifa undir nýjan samning við Inter og vill félagið fá þau mál á hreint áður en hann fær að vera aðalmaðurinn hjá félaginu.

Það er eiginkona Icardi, Wanda Nara, sem sér up samningamál leikmannsins og er hún ansi kröfuhörð.

Stuðningsmenn Inter þola ekki Nara og telja að hún sé að reyna að koma vinsælasta leikmanni liðsins burt.

Hún lenti í leiðindaratviki í dag en ungir krakkar brutu rúður í bíl hennar á meðan hún keyrði nálægt San Siro, heimavelli Inter.

Krakkarnir köstuðu steinum í bifreið Nara sem var ekki lengi að koma sér burt eftir árásina.

Sem betur fer þá slapp Nara ómeidd frá árásinni sem og börn hennar sem voru einnig í bílnum.