Manchester United er ekki í frábærri stöðu í Meistaradeild Evrópu eftir leik gegn Paris Saint-Germain í gær. Liðin áttust við í 16-liða úrslitum Meistaradeildarinnar en fyrri leikurinn fór fram á Old Trafford.
Það voru gestirnir í PSG sem höfðu betur að lokum með tveimur mörkum gegn engu. Fyrra mark leiksins gerði Presnel Kimpembe eftir hornspyrnu og það síðara gerði Kylian Mbappe eftir laglega skyndisókn.
United þarf því að eiga ansi góðan leik í París ef liðið ætlar að komast í næstu umferð keppninnar.
Þetta var fyrsti leikur liðsins undir stjórn Ole Gunnar Solskjær í Meistaradeildinni, það var Jose Mourinho sem kom liðinu í 16 liða úrslit.
Ef tölfræðin er skoðuð kemur í ljós að Mourninho var á fínni leið í deild þeirra bestu og vann meðal annars Juventus á útivelli.
Tölfræðin sem Solskjær vill ekki sjá er hér að neðan.