Antonio Rudiger, leikmaður Chelsea, baðst afsökunar á frammistöðu liðsins gegn Manchester City í gær.
Rudiger og félagar í Chelsea mættu á Etihad völlinn en þurftu að sætta sig við hörmulegt 6-0 tap.
Chelsea hefur verið í basli undanfarið og tapaði einnig nýlega stórt 4-0 fyrir Bournemouth.
Stuðningsmenn eru búnir að fá nóg af þessari spilamennsku og voru mjög reiðir í stúkunni í gær.
Rudiger gekk að stuðningsmönnum eftir leikinn og ásamt því að gefa einum heppnum treyju sína þá baðst hann afsökunar.
Chelsea er nú í sjötta sæti deildarinnar, einu stigi á eftir Manchester United sem situr í fjórða sæti.
Hér má sjá myndir af því er Rudiger baðst afsökunar.