LA Galaxy í Bandaríkjunum hefur staðfest það að nú sé verið að byggja styttu af fyrrum leikmanni liðsins, David Beckham.
Beckham er einn frægasti ef ekki frægasti leikmaður í sögu Galaxy en hanbn kom til félagsins árið 2007.
Hann eyddi fimm árum hjá félaginu og lék 122 leiki fyrir Galaxy. Hann fór þó tvisvar á lán til AC Milan á þessum tíma.
Hann hjálpaði Galaxy að vinna MLS bikarinn bæði 2011 og 2012 og er talinn goðsögn í augum stuðningsmanna.
Galaxy mun opinbera styttuna í næsta mánuði fyrir opnunarleik gegn Chicago Fire í MLS-deildinni.
Beckham er sjálfur búinn að stofna fótboltaliðið Inter Miami sem hefur leik í deildinni árið 2020.
