Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.

Félagaskiptaglugginn á Englandi er nú opinn á ný en er þó enn lokaður í öðrum stærstu deildum Evrópu.

Hér má sjá pakka dagsins.

Juventus hefur hafið viðræður við Real Madrid en félagið vill fá hinn 33 ára gamla Cristiano Ronaldo. (Marca)

Chelsea er tilbúið að hleypa Alvaro Morata aftur til Spánar í skiptum fyrir Gonzalo Higuain, framherja Juventus. (La Gazzetta dello Sport)

Daley Blind þarf að taka á sig launalækkun ef hann vill ganga í raðir Ajax frá Manchester United. (Telegraph)

Huddersfield og Wolves hafa áhuga á Adama Traore, 22 ára gömlum vængmanni Middlesbrough. (Sun)

Jorginho var ekki valinn í æfingahóp Napoli á undirbúningstímabilinu en hann er á leið til Manchester City. (MEN)

Gianluigi Buffon mun skrifa undir tveggja ára samning við Paris Saint-Germain í þessari viku. (L’Equipe)

Spánn horfir til Quique Sanchez Flores, fyrrum stjóra Watford en spænska knattspyrnusambandið vill fá hann til að taka við landsliðinu. (AS)

Huddersfield reynir að fá Ahmed Musa, 25 ára gamlan sóknarmann Leicester City. (Mirror)