Lögreglan verður með mikinn viðbúnað á Anfield í kvöld þegar Manchester City heimsækir Liverpool í Meistaradeildinni.
Um er að ræða fyrri leik liðanna í átta liða úrslitum en seinni leikurinn er Í Manchester í næstu viku.
Stuðnigsmenn Liverpool hafa síðustu ár hópast fyrir utan völlinn þegar rútan með leikmönnum keyrir að vellinum til að hvetja sína menn áfram. Blys og læti eru yfirleitt á svæðinu.
Þetta hefur oft skapað mikið öngþveiti og nú hefur verið ákveðið að rútur liðanna fari aðra leið en venjulega.
Það er gert vegna þess að byggingarvinna er á hinu svæðinu og vill lögreglan ekki stofna öryggi stuðningsmanna í hættu.