Reading tók á móti Leeds United í ensku Championship-deildinni í dag en leiknum lauk með 2-2 jafntefli.
Jón Daði Böðvarsson kom heimamönnum yfir strax á 16. mínútu en Pontus Jansson jafnaði metin fyrir gestina á 43. mínútu og staðan því 1-1 í hálfleik.
Pablo Hernandez kom Leeds svo yfir á 56. mínútu áður en Eunan O’Kane varð fyrir því óláni að skora sjálfsmark á 58. mínútu og lokatölur því 2-2.
Jón Daði Böðvarsson var í byrjunarliði Reading í dag og spilaði allan leikinn í fremstu víglínu en Reading er í nítjánda sæti deildarinnar með 36 stig, 6 stigum frá fallsæti.
