Jose Mourinho var rekinn frá Manchester United í dag eftir þrjú ár hjá félaginu.
Gengi United hefur ekki verið nógu gott á leiktíðinni og þurfti Mourinho að taka poka sinn.
Unai Emery, stjóri Arsenal, er hissa á að kollegi sinn hafi verið rekinn og segir að fréttirnar séu slæmar.
,,Það eina sem ég get sagt er að þetta er mjög óvænt og ekki góðar fréttir því þegar stjóri kveður svona, það eru ekki góðar fréttir fyrir aðra þjálfara,“ sagði Emery.
,,Allir þjálfarar eru með sinn eigin stíl. Þeir hugsa alltaf um hvernig þeir geta bætt vinnuna á hverjum degi.“
,,Mourinho býr yfir mikilli reynslu í ensku úrvalsdeildinni og bara mikilli reynslu yfir höfuð. Ég veit ekki af hverju þessi ákvörðun var tekin.“