Graeme Souness, fyrrum leikmaður Liverpool, virðist þola engan leikmann jafn lítið og Paul Pogba.
United má varla spila leik án þess að Souness tjái sig um Pogba sem hefur ekki verið upp á sitt besta á tímabilinu.
Skotinn hefur komið sér í fréttirnar fyrir að vera helsti gagnrýnandi Pogba og hélt áfram í kvöld.
Honum tókst að skjóta á Pogba þrátt fyrir að miðjumaðurinn hafi ekki tekið þátt í 3-1 tapi gegn Liverpool í dag.
Souness talar enn og aftur um viðhorf Pogba en hann telur að leikmaðurinn gefi sig aldrei allan fram í leikjum.
,,Pogba hlýtur að hugsa: ‘Ég er klárlega betri en Marouane Fellaini og Nemanja Matic?“ sagði Souness.
,,Ef hann væri með betra viðhorf þá væri hann betri en allir miðjumenn ensku úrvalsdeildarinnar.“