Hlaðvarpsþátturinn, 90 mínútur hefur hafið göngu sína en um er að ræða þátt sem Hörður Snævar Jónsson, ritstjóri 433.is stýrir.

Rætt verður um fótbolta við áhugaverða gesti í vetur, farið verður um víðan völl.

Næsti gestur þáttarins er Theodór Elmar Bjarnason, landsliðsmaður í knattspyrnu.

Elmar samdi við stórlið Celtic aðeins 17 ára gamall en hann lék áður með KR hér heima.

Það var að sjálfsögðu mikill munur á þessum liðum en Celtic er stærsta félag Skotlands og þar hafa margir góðir leikmenn spilað.

Elmar talar aðeins um þá reynslu að mæta á æfingar hjá Celtic en það getur verið erfitt fyrir ungan leikmann frá Íslandi.

,,Það var svo mikið af ótrúlegum persónuleikum þegar ég kom inn í liðið sem eru grjótharðir af gamla skólanum,“ sagði Elmar.

,,Hvort sem það sé jákvætt eða neikvætt. Ég held að allir hafi gott af því að fá að heyra það inn á milli.“

,,Það er lítið um það í dag að einhver sé skammaður en það var mjög challenging og maður var lítill í sér að mæta á æfingar.“

,,Maður lenti í því að klobba einhverja af hetjunum og þá fékk maður til baka: ‘Ef þú gerir þetta aftur þá drep ég þig.’

,,Þessir gaurar þekktu ekkert annað og þeir vilja sýna hverjir eru fyrir framan. Þeir vilja ekki sjá unga stráka taka stöðuna.“

,,Þetta voru almennilegir gaurar utan vallar, kannski fattaði maður ekki húmorinn til að byrja með. Það var skemmtileg lífsreynsla að lenda í þessu.“

Meira:
Bróðir Elmars tók sitt eigið líf: ,Ég myndi ekki óska þess upp á minn helsta óvin að ganga í gegnum lífið, líðandi svona“
Elmar eyddi um efni fram og lifði á núðlum: ,,Það var oftar en einu sinni að maður átti ekkert til“