Dean Saunders, fyrrum leikmaður Liverpool, hefur sent Jurgen Klopp, stjóra Liverpool, skilaboð eftir tap gegn Paris Saint-Germain í gær.

Saunders var ekki of hrifinn af miðju Liverpool í 2-1 tapi og ræddi sérstaklega James Milner.

Saunders vill ekki sjá Milner á miðju liðsins ásamt þeim Georginio Wijnaldum og Jordan Henderson.

,,Það vantaði eitthvað upp á hjá Liverpool í gærkvöldi. Veratti stjórnaði miðjunni og Henderson, Wijnaldum og Milner, það vantar gæði í þá,“ sagði Saunders.

,,James Milner er frábær atvinnumaður og er að eiga frábært tímabil en hann er ekki miðjumaður.“

,,Hann er vængmaður og hefur verið allan sinn feril. Hann er þó að gera vel þarna og viðhorfið er frábært.“

,,Viðhorf Henderson er líka frábært en það vantar smá upp á gæðin. Þessir þrír geta ekki stjórnað fótboltaleik.“

,,Paul Scholes, Roy Keane, Paul Ince, Frank Lampard, Steven Gerrard – þeir gátu það allir – en Milner, Henderson og Wijnaldum geta það ekki.“