Framherjinn Tobias Thomsen er við það að ganga í raðir KR á nýjan leik. Þetta kemur fram á vefsíðunni fótbolti.net.
Tobias lék með Íslandsmeisturum Vals í sumar en spilatíminn var takmarkaður er liðið fagnaði sigri í deildinni annað árið í röð.
Tobias byrjaði vel með Val eftir að hafa komið frá KR en frammistaðan dafnaði svo er leið á sumarið.
Danski framherjinn spilaði með KR sumarið 2017 og er nú útlit fyrir að hann sé á leið aftur þangað. Hann gerði níu deildarmörk fyrir félagið.
KR byrjaði Bose-mótið afar vel á dögunum og vann sannfærandi 8-2 sigur á Víkingi Reykjavík.
