Steven Gerrard segist vonast til að læra helling af Jurgen Klopp en hann og Gerrard unnu saman hjá Liverpool um stutt skeið.
Gerrard er knattspyrnustjóri Rangers, á fyrstu leiktíð. Hann reynir að læra af Klopp og er í góðu sambandi við hann.
,,Ég fylgdist með öllur og lærði, ég hafði fylgst með honum í sjónvarpi og hvernig hann höndlar aðstæður. Ég gæti samt aldrei verið með sömu orku og hann á hliðarlínunni,“ sagði Gerrard.
,,Ef ég get lært eitthvað af honum er það mikil hjálp fyrir mig, ef ég sendi skilaboð eða hringi þá hefur hann alltaf tíma fyrir mig.“
,,Jurgen er góður í því að slökkva á sér, þegar það er leikur þá setur hann allt í hann en síðan slekkur hann á eftir hann.“
,,Hann er öflugur í að höndla pressu, eftir tap í úrslitaleik eða áfall þá er hann fyrstur til að byrja partýið.“