Kolbeinn Sigþórsson, landsliðsframherji, setti inn fallega færslu á Instagram síðu sína í kvöld.
Kolbeinn er einn af okkar bestu leikmönnum en hann spilar með liði Nantes í Frakklandi.
Kolbeinn og fjölskylda urðu fyrir áfalli á dögunum en góðvinur hans Egill Daði Ólafsson var þá bráðkvaddur á heimili sínu í Brussel í Belgíu.
Egill var fæddur árið 1984 en hann og systir Kolbeins voru par um tíma og áttu í góðu sambandi.
Egill kvaddi þann 26. október síðastliðinn og hefur Kolbeinn nú sent frá sér falleg skilaboð.
,,Þú varst gull af manni og það er algjör heiður að hafa fengið að vera þér nærri,“ skrifaði Kolbeinn.
,,Þú munt alltaf eiga stað í hjarta mínu og hjá öllum þeim sem þekktu þitt gæðablóð.“
,,Hvíldu í friði elsku vinur minn. Þín er og verður ávallt sárt saknað.“