Manchester United hafði áhyggjur af því á sínum tíma að Real Madrid myndi reyna að kaupa framherjann Wayne Rooney.
Þetta segir Darren Fletcher, fyrrum leikmaður United en hann og Rooney voru miklir félagar á sínum tíma.
,,Wayne var frábær. Við vorum tveir af þeim yngstu í búningsklefanum og samband okkar var gott frá byrjun,“ sagði Fletcher.
,,Það var mikið af reynslumiklum sigurvegurum í klefanum en ég og Wayne vorum á svipuðum aldri og náðum vel saman.“
,,Þú vissir það að Wayne myndi verða frábær fyrir Manchester United. Það eina sem við höfðum áhyggjur af var að lið eins og Real Madrid myndi reyna við hann því það var möguleiki.“
,,Það var enginn vafi um að hann myndi vinna allt saman og verða fyrirliði liðsins. Svo endar hann uppi sem markahæsti leikmaður Englands og United – þvílíkt afrek.
