Ian Jeffs, fyrrum leikmaður ÍBV, skrifaði undir tveggja ára samning við félagið í dag.
Jeffs hefur samþykkt að taka að sér starf aðstoðarþjálfara og mun vinna við hlið Pedro Hipolito næsta sumar.
Pedro var tilkynntur sem nýr þjálfari ÍBV fyrir nokkrum vikum og tekur við af Kristjáni Guðmundssyni.
Jeffs mun sinna því hlutverki samhliða þjálfun íslenska kvennalandsliðsins en hann tók það starf að sér á dögunum.
Jeffs lék alls 101 leiki fyrir ÍBV frá 2011 til 2016 áður en hann var ráðinn þjálfari kvennaliðsins.
Jeffs hefur starfað hér á landi frá árinu 2003 en hann samdi þá við ÍBV frá Crewe Alexandra á Englandi.
