Nokkrir leikmenn Manchester United á Englandi eiga von á sekt frá félaginu eftir óásættanlega hegðun í gær.
Ákveðnir leikmenn United neituðu þá að mæta í settið í gær þar sem átti að taka upp auglýsingu fyrir félagið á vegum styrktaraðila.
Leikmennirnir greindu félaginu frá því að það væri vegna hvernig félagið væri að skipuleggja ferðir á leiki í Meistaradeildinni.
Tvisvar í röð hafa leikmenn United mætt of seint í leiki í Meistaradeildinni gegn Valencia og Juventus.
Leikmenn mótmæltu í gær og neituðu að mæta í tökur. Eitthvað sem félagið tekur alls ekki vel í.
Samkvæmt fregnum kvöldsins eiga þessir leikmenn á von á sekt frá félagi sínu en upphæðin er ekki gefin upp að svo stöddu.