Jose Mourinho, stjóri Manchester United, hefur útilokað það að hann sé á leið til Real Madrid á ný.
Mourinho náði góðum árangri með Real á sínum tíma áður en hann yfirgaf Spán og samdi aftur við Chelsea. Hann hefur verið orðaður við endurkomu.
Framtíð hans hjá Manchester United er í óvissu en United þarf að gera betur á næstu vikum en í byrjun tímabils.
Portúgalinn er þó sjálfur ánægður á Old Trafford en hann er samningsbundinn til ársins 2020.
,,Nei ég fer ekki þangað. Mín framtíð er hér,“ sagði Mourinho við blaðamenn en hann er ánægður í Manchester.
,,Ég er með samning hérna og þar til á síðasta ári hans þá mun ég aðeins hugsa um Manchester United. Ég myndi glaður vera lengur en það.“