Það kom mörgum á óvart í dag þegar Ben Woodburn, leikmaður Liverpool, var mættur í byrjunarliðið hjá varaliði félagsins.
Woodburn spilaði með varaliði Liverpool gegn Derby en hann er 19 ára gamall og þykir mikið efni.
Það merkilega við það er að Woodburn spilar í dag með Sheffield United en hann var lánaður til liðsins í sumar.
Sóknarmaðurinn gekk í raðir Sheffield í ágúst en hefur ekki fengið mikið að spila og kom síðast við sögu þann 19. september.
Þá spilaði Woodburn aðeins 13 mínútur gegn Birmingham og þarf því nauðsynlega á spilatíma að halda.
Það er útlit fyrir að það hafi verið leyfilegt fyrir Liverpool að nota Woodburn þrátt fyrir að hann sé samningsbundinn öðru liði út tímabilið!