Það hefur mikið verið rætt um framtíð framherjans Anthony Martial undanfarnar vikur en hann verður brátt samningslaus hjá Manchester United.
Óvíst er hvort Martial muni skrifa undir nýjan samning en samband hans við Jose Mourinho er sagt vera ansi slæmt.
Martial skoraði tvö mörk fyrir United í dag gegn Chelsea í ensku úrvalsdeildinni í leik sem lauk með 2-2 jafntefli.
Martial var svo tekinn af velli ekki löngu eftir sitt annað mark en hann virtist þó taka ágætlega í þá ákvörðun Mourinho.
Miðað við viðbrögð Martial við skiptingu Mourinho er ekkert sem bendir til þess að honum sé illa við Portúgalann.
Mynd sem ætti að gleðja marga stuðningsmenn United en flestir vilja halda Frakkanum hjá félaginu.