Jose Mourinho, stjóri Manchester United, var ánægður með sína menn í dag í 2-2 jafntefli við Chelsea á Stamford Bridge.
Chelsea jafnaði metin á 96. mínútu í uppbótartíma, eitthvað sem Mourinho vonast til að upplifa á ferlinum.
,,Við vorum ekki með í fyrri hálfleik gegn Newcastle en vorum með í dag. Við vorum þó ekki nógu ákafir,“ sagði Mourinho.
,,Við höfðum stjórn á því sem þeir reyndu að gera. Ég hef aldrei séð Jorginho taka eins lítið þátt og í dag.“
,,Eftir að hafa komist í 2-1 þá fengum við færi til að bæta við þriðja markinu.“
,,Ég vona að allir dómarar geri eins og Mike Dean og bæti við sex mínútum. Vanalega þegar ég er að tala þá fæ ég ekki 5,6 eða 7 mínútur.“
Mourinho ræddi þá einnig um atvik sem kom upp eftir jöfnunarmark Barkley.
Aðstoðarmaður Maurizio Sarri fagnaði þá fyrir framan Mourinho sem varð bálreiður í kjölfarið og ætlaði að vaða í þjálfarann.
,,Sarri var sá fyrsti til að koma upp að mér og segja að hann myndi leysa úr þessu. Eftir það þá kom aðstoðarmaðurinn og bað mig afsökunar,“ svaraði Mourinho.