Ronald Koeman, landsliðsþjálfari Hollands, hefur látið varnarmanninn Virgil van Dijk heyra það.
Van Dijk gerði sig sekan um mistök í 2-1 tapi gegn Frökkum í Þjóðadeildinni í síðasta mánuði og tryggði Olivier Giroud heimsmeisturnum sigur.
Van Dijk slapp með skrekkinn um helgina í leik Liverpool og Manchester City en hann gerðist brotlegur innan teigs undir lok leiksins og vítaspyrna dæmd. Riyad Mahrez steig á punktinn en klikkaði.
,,Ég sagði Van Dijk nákvæmlega hvað mér fannst aðeins 30 sekúndum eftir leikinn gegn Frökkum,“ sagði Koeman.
,,Ég þekki hann svo vel og ég þekki alla litlu gallana hana. Virgil verður að bæta sig. Ekki mikið en stundum slakar hann of mikið á. Þetta þarf að breytast.“
,,Það koma augnablik þar sem varnarmenn eiga ekki að vera lengra en tveimur metrum frá framherjanum sem þú ert að dekka.“
,,Með Van Dijk, vegna styrksins sem hann býr yfir og sprengikrafti þá er hann of slakur.“
