Sir Alex Ferguson fyrrum knattspyrnustjóri Manchester United hefur ákveðið að sleppa því að drekka áfengi.
Ferguson varð fyrir alvarlegum veikindum í maí og þurfti að fara í aðgerð á heila.
Eftir aðgerðina hefur Ferguson ákveðið að láta allt áfengi í friði, hann hugar bara að heilsunni.
Ferguson er þekktur fyrir ást sína á rauðvíni og á eitt svakalegasta safn sem til er.
,,Hann drakk vatn í hvert skipti, hann snerti ekki vín,“ sagði starfsmaður á hóteli í Frakklandi sem Ferguson var á.
,,Sir Alex hefur alltaf elskað rauðvín þegar hann hefur komið hingað, hann er hins vegar bara að hugsa um heilsuna núna.“