Lið Chelsea á Englandi mun banna tveimur leikmönnum liðsins að spila á Stamford Bridge í deildarbikarnum.
Um er að ræða tvo lánsmenn Derby County en þeir Mason Mount og Fikayo Tomori spila með félaginu.
Leikmennirnir tveir eru samningsbundnir Chelsea en eru lykilmenn Derby á þessu tímabili.
Frank Lampard og félagar hans í Derby mæta á Stamford Bridge í fjórðu umferð deildarbikarsins og verður án leikmannana.
Chelsea ræður því hvort Derby fái að nota leikmennina í viðureigninni og fær félagið ekki grænt ljós.
Það er áfall fyrir Derby en Mount var á dögunum kallaður í enska landsliðshópinn.
