Luka Modric var í kvöld valinn leikmaður ársins af FIFA en hann átti magnað ár með bæði Real Madrid og Króatíu.
Modric spilaði stórt hlutverk er Real vann Meistaradeildina í maí og svo er Króatía komst í úrslit HM í sumar.
Modric fékk 29,05 prósent atkvæða í valinu en þar á eftir komu þeir Cristiano Ronaldo og Mohamed Salah. Ronaldo fékk 19,08 prósent atkvæða og Salah 11,23 prósent.
Nú er búið að birta lista yfir þá leikmenn sem enduðu í efstu tíu sætunum. Lionel Messi, leikmaður Barcelona, er aðeins í fimmta sæti.
Kylian Mbappe, leikmaður Paris Saint-Germain, er fyrir ofan Messi og í sætinu fyrir neðan er Antoine Griezmann hjá Atletico Madrid.
Hér má sjá efstu tíu.
