Nemanja Matic, leikmaður Manchester United, segir að hann hafi reglulega fundið til er hann spilaði með liðinu í leikjum.

Matic fór í aðgerð á kvið á dögunum vegna meiðsla sem hafa hrjáð hann í dágóðan tíma. Hann frestaði aðgerðinni og reyndi að spila meiddur.

,,Ég hef verið með þessi meiðsli í nokkra mánuði og þegar við æfðum í Ameríku þá leið mér ekki vel og ræddi við lækni vegna þess,“ sagði Matic.

,,Ég fór í kjölfarið í aðgerð í Philadelphia eftir að læknirinn hafði mælt með aðgerð, það var eina leiðin til að laga vandamálið. Mér líður vel núna.“

,,Ég gat séð það að ég gat ekki gefið mitt besta því meiðslin voru alvarleg. Ég þurfti að laga þetta.“

,,Stundum gat ég spilað í gegnum sársaukan og ég gerði það fyrstu mánuðina en það var svo betra að laga vandamálið.“