Hugo Lloris markvörður Tottenham hefur játað brot sitt um að hafa keyrt undir áhrifum áfengis.

Lloris var stöðvaður í ágúst af lögreglunni um miðja nótt þegar hann var að koma úr miðbæ Lundúna.

Þar hafði hann verið að borða með Laurent Koscielny og Olivier Giroud í Mayfair hverfinu í London.

Lloris var með mikið magn af áfengi í blóði sínu miðað við það sem er leyfilegt.

Lloris var stoppaður á Porsche Panamera bifreið sinni en það kom fram í dómsal í dag að talsvert var af ælu í bílnum.

Lloris var í haldi í sex tíma en hann játaði brot sitt í dag, hann fékk 50 þúsund pund í sekt og missir prófið í 20 mánuði.

Til að bæta gráu ofan á svart þá hefur Tottenham ákveðið að sekta Lloris um 300 þúsund pund, hann mun þó halda fyrirliðabandinu hjá Spurs.