Íslenska karlalandsliðið hefur upplifað erfiða daga undanfarið eftir tvo leiki í Þjóðadeildinni.
Ísland mætti liði Sviss á laugardaginn og voru strákarnir ólíkir sjálfum sér. Sá leikur tapaðist 6-0.
Ísland fékk svo gríðarlega sterkt belgískt lið í heimsókn í kvöld og höfðu Belgar betur að lokum, 3-0.
Það er óhætt að segja að Ísland líti alls ekki vel út en liðið er með markatöluna 0:9 í tveimur leikjum.
Þórir Hákonarson, fyrrum framkvæmdarstjóri KSÍ, tjáði sig á Twitter eftir tap okkar manna í kvöld.
Þar segir Þórir að markatalan 0:9 eftir tvo leiki sé alls ekki nógu góð og er erfitt að taka ekki undir það.
0-9 í tveimur leikjum í Þjóðadeildinni er bara vont, punktur. @Fotboltinet
— Thorir Hakonarson (@THakonarson) 11 September 2018
