Það var brjálað fjör hjá liði Borussia Monchengladbach í dag sem lék við Hastedt í Þýskalandi.
Gladbach leikur í Bundesligunni, efstu deild Þýskalands en Hastedt spilar í fimmtu efstu deild.
Liðin áttust við í þýska bikarnum og vann Gladbach ótrúlegan 11-1 sigur á útivelli.
Það sem vekur hvað mesta athygli er að þrír mismunandi leikmenn gestanna skoruðu þrennu í leiknum.
Thorgan Hazard, Alassande Pleae og Raffael gerðu allir þrjú mörk í stórsigri liðsins.
Gladbach átti alls 33 skot að marki Hastedt en heimamenn áttu eitt skot og tókst að skora úr því.
