Argentínska knattspyrnusambandið reyndi að ráða Pep Guardiola til starfa eftir HM í Rússlandi í sumar.
Þetta hefur Claudio Tapia, forseti sambandsins, staðfest en Guardiola reyndist of dýr fyrir Argentínu.
Sambandið leitaði að nýjum þjálfar eftir slakt gengi á HM en Jorge Sampaoli fékk sparkið eftir mótið.
,,Við vorum að skoða það að ráða Guardiola til starfa en það var mjög erfitt. Þú þarft mjög þykkt veski,“ sagði Tapia.
,,Við vissum að þetta yrði mjög dýrt en við höfðum ekki hugmynd um að það yrði svona dýrt.“