Robin Olsen, nýr markvörður Roma á Ítalíu, er hissa á því að félagið hafi viljað fá sig frá FC Kaupmannahöfn í sumar.
Olsen er landsliðsmarkvörður Svía og spilaði í umspilsleik við Ítalíu um laust sæti á HM í Rússlandi.
Olsen stóð sig vel í leikjunum gegn Ítölum og kom það honum á óvart að Roma hafi viljað fá sig eftir hvað gerðist á síðasta ári.
,,Fyrst og fremst er ánægjulegt fyrir mig að vera kominn hingað, þetta er stórt skref fyrir mig,“ sagði Olsen.
,,Þetta var auðveld ákvörðun. Allir í Svíþjóð eru ánægðir fyrir mína hönd því við vitum hversu stór félag Roma er.“
,,Ítalíuleikurinn? Það var sérstakur leikur fyrir okkur en hann var mjög erfiður. Það kemur mér mikið á óvart að þeir hafi viljað mig eftir hvað gerðist!