Jose Mourinho, stjóri Manchester United, viðurkennir að hann hafi ekki hugmynd um hvar vængmaðurinn Alexis Sanchez sé staddur.
Sanchez hefur loksins fengið grænt ljós á að ferðast til Bandaríkjanna eftir að vesen kom upp með vegabréfsáritun leikmannsins.
United spilaði æfingaleik við Club America í nótt sem endaði með 1-1 jafntefli í Los Angeles.
Talið var að Sanchez myndi hitta liðsfélaga sína í dag en enn sem komið er veit Mourinho ekki stöðuna.
,,Ég veit ekki hvort hann sé í flugi eða hvort hann sé hér í LA eða í Manchester,“ sagði Mourinho.
,,Ég hef ekki hugmynd um það. Rashford og Lukaku eru ekki að koma og við notum það sem við erum með.“
