Lið Roma á Ítalíu hefur staðfest það að markvörðurinn Alisson sé að ganga í raðir Liverpool á Englandi.
Monchi, yfirmaður knattspyrnumála Roma, segir að tilboð Liverpool upp á 67 milljónir punda hafi einfaldlega verið of gott.
,,Kaupin á Alisson til Liverpool verða opinberuð bráðum. Þeir buðu metupphæð í markvörð og við ákváðum að selja,“ sagði Monchi.
,,Við höfum ekki klárað neitt ennþá en það er rétt að viðræðurnar séu komnar langt og að hann sé í Liverpool núna.“
,,Þegar mjög gott tilboð kemur inn þá verður þú að íhuga það. Við skoðuðum það góða og slæma og ræddum svo við Liverpool.“
,,Að selja Alisson sýnir ekki skort á metnaði. Að sýna metnað er að gera það rétta í stöðunni eftir að hafa hugsað út í allt.“