Maurizio Sarri, nýr stjóri Chelsea, hefur tjáð sig um Eden Hazard, helstu stjörnu Chelsea, sme er orðaður við brottför.
Hazard hefur sjálfur gefið það sterklega í skyn að hann vilji spila fyrir spænska stórliðið Real Madrid.
Sarri er nú mættur til æfinga hjá Chelsea en hann einbeitir sér ekki að orðrómum og vill gera Hazard að betri leikmanni.
,,Hazard er leikmaður í háum gæðaflokki og er einn af tveimur eða þremur bestu leikmönnum Evrópu,“ sagði Sarri.
,,Ég vona að við getum skemmt okkur í vikunni. Ég vona að við getum náð í góð úrslit og verið í samkeppni í lok tímabils.“
,,Ég vona að ég geti bætt hann sem leikmann en það er mjög erfitt því hann er það góður.“