Víkingur Reykjavík vann sigur á Fylki í Pepsi-deild karla í kvöld en liðin áttust við í Egilshöll í 12. umferð.

Það var boðið upp á virkilega fjörugan fimm marka leik í kvöld og höfðu Víkingar betur 3-2.

Víkingar skoruðu öll sín mörk í fyrri hálfleik en Fylkismenn svöruðu með tveimur í þeim síðari.

Hér má sjá það góða og slæma úr leiknum

Plús:

Þvílíkur kraftur í Víkingum í byrjun leiks. Tvö mörk á sjö mínútum skilar sínu í knattspyrnuleik. Ástríðan til staðar hjá Loga Ólafs og félögum.

Andreas Larsen í marki Víkings sannaði það aftur að hann getur verið öflugur markvörður. Traustur í sínum aðgerðum í dag og bjargaði sínum mönnum nokkrum sinnum.

Leikurinn í heild sinni var bara frábær skemmtun. Færi eftir færi eftir færi. Menn fengu sitt í kvöld.

Fylkismenn komu kraftmeiri inn í síðari hálfleik og sönnuðu það að þeim var ekki sama. Voru mjög ógnandi eftir mark Jonathan Glenn í stöðunni 3-1.

Jonathan Glenn var frábær fyrir Fylkismenn í síðari hálfleik og gerði tvö mörk. Vonandi fyrir Árbæinga er hann kominn í gang.

Mínus:

Ekki veit ég hvað var að hjá Fylkismönnum í byrjun leiks. Eina sem maður hugsaði var ‘Hvað er ég að horfa á?’.

Helgi Valur Daníelsson fékk rautt spjald hjá Fylki eftir að hafa fengið tvö gul. Átti 3-4 mjög heimskuleg brot í þessum leik. Reynslan á að vera meiri, alls ekki skynsamleg brot.

Ég veit ekki hvort leikurinn hefði verið jafnt skemmtilegur á grasvelli en Egilshöllin bara gefur ekki mikið til baka upp þegar kemur að stemningu.

Vörn Víkinga var mjög ‘shaky’ á löngum köflum í síðari hálfleik. Staðan var lengi 3-1 og Víkingar af einhverjum ástæðum héldu að þeir þyrftu að henda öllum fram.

Það er svo vitlaust að fá á sig margar hættulegar skyndisóknir í stöðunni 3-0. Víkingar voru bara villtir til baka og það vantaði allt skipulag í seinni hálfleik eins góður og sá fyrri var.

Víkingar fengu vítaspyrnu í leiknum en áttu að fá aðra. Alex Freyr féll þá innan teigs eftir klaufalegt brot hjá Orra Sveini en Egill dómari dæmdi ekkert. Það var rangur dómur.