Deco, fyrrum leikmaður Chelsea, telur að Antonio Conte hafi gert risastór mistök síðasta sumar er hann losaði sig við Diego Costa.

Deco fer svo langt að segja að það sé einfaldlega ástæðan fyrir því að Conte sé nú að fá sparkið hjá félaginu.

,,Enska úrvalsdeildin hefur dregið að sér meiri samkeppni. Það eru mörg stór lið og ég held að það verði mismunandi sigurvegarar næstu ár,“ sagði Deco.

,,Manchester City gerði eitthvað sem er ekki eðlilegt í ensku úrvalsdeildinni en Chelsea vann tímabilið á undan og að mínu mati misstu þeir mikilvægan leikmann í Diego Costa.“

,,Diego var mjög mikilvægur fyrir þá hvernig þeir spila. Það var erfitt að finna mann í hans stað. Morata er ekki eins og ekki Giroud.“

,,Hann var fullkominn leikmaður fyrir Conte. Þeir misstu Nemanja Matic líka en að mínu mati er brottför Costa ástæðan fyrir þessu.“