ÍR í Inkasso deild karla hefur orðið fyrir miklu áfalli en Viktor Örn Guðmundsson er með slitið krossband.
Þetta kom í ljós 12 vikum eftir að Viktor meiddist en fyrsti læknir sem hann hitti sagði krossbandið ekki slitið.
Viktor hefur reynt að ná sér góðum síðustu vikur en ekkert gerst, hann fór því aftur til læknis sem sendi hann í myndatöku.
Þar kom í ljós að krossabandið er slitið en áfallið er gríðarlegt fyrir ÍR, Viktor var einn allra besti leikmaður liðsins á síðustu leiktíð.
Þessi 28 ára gamli leikmaður hefur spilað fyrir FH, Fylki, Fjarðabyggð og fleiri lið.
Viktor sagði í samtali við 433.is að nú tæki við endurhæfingarferli og er reiknað með að hann verði frá í 7-9 mánuði.