Það eru ekki miklar líkur á að Liverpool nái að tryggja sér markvörðinn Alisson frá Roma í sumarglugganum.
Eusebio Di Francesco, stjóri Roma, greinir frá þessu en Alisson hefur sterklega verið orðaður við brottför.
Alisson mun ekki spila lokaleik Roma í deildinni í dag en það er ekki vegna þess að hann sé á förum.
,,Það er aldrei neitt alveg víst í fótboltanum en ég er fullviss um það að Allisson verði áfram hér hjá Roma,“ sagði Di Francesco.
,,Hann mun ekki spila lokaleikinn, hann er að glíma við meiðsli í vöðva svo Lukasz Skorupski spilar.“
