James Collins, varnarmaður West Ham, mun yfirgefa félagið í sumar en frá þessu er greint í dag.
Collins er 34 ára gamall í dag og hefur samtals leikið fyrir West Ham í 11 ár en stoppaði í þrjú ár hjá Aston Villa.
Collins er miður sín yfir því hvernig hann fékk fréttirnar en hann fékk tölvupóst þar sem greint var frá því að félagið óskaði ekki lengur eftir þjónustu hans.
Collins fékk ekki fund með eigendum liðsins og fær ekki kveðjuleik eftir langa dvöl hjá félaginu.
West Ham er án stjóra þessa stundina en David Moyes mun ekki halda áfram með liðið á næstu leiktíð.
Collins kom ekki mikið við sögu á þessari leiktíð en hann spilaði alls 15 leiki í öllum keppnum.
